
Sot zhvillohet java e 36-të dhe e fundit e Superligës shqiptare të futbollit. Duke nisur nga ora 16:00 do të zhvillohen pesë duele. Gjithçka luhet sonte, nga titulli kampion, Evropa e deri te mbijetesa.
Sytë janë te Partizani dhe Tirana të cilat kryesojnë me nga 64 pikë Superligën, me "Demat" e Colellas që janë në vendin e parë falë ndeshjeve direkte. Në "Arenën e Demave", Partizani luan me Teutën, ndërsa në "Niko Dovana" në Durrës, Erzeni pret Tiranën.
Ndonëse Partizani e ka në dorë vetë fatin e titullit, Tirana nga ana tjetër “lutet” që Teuta t’i asistojë “yllin” e tretë në bluzë. Gjithçka është e hapur dhe mbetet për tu parë pasi Teuta kërkon një fitore përballë për të mos rrezikuar Evropën. Nga ana tjetër Erzeni kërkon mbijetesën në ndeshjen e fundit përballë Tiranës.
Ndërkohë në sfidat e tjera, Bylis luan me Vllazninë, Egnatia me Kukësin dhe Laçi me Kastriotin.
Lini një Përgjigje