FLASH
Shkruar nga Pamfleti
Sot në mbrëmje u luajtën ndeshjet e vlefshme për Ligën e Kombeve.
“Gjigantët” e futbollit evropian, Italia e Franca janë dy Kombëtaret që kanë arritur të kalojnë të parat në fazën tjetër të Ligës së Kombeve.
Kështu, “Të Kaltërit” e teknikut Luçiano Spaleti ka arritur të sigurojë fitoren minimale 1-0, në transfertën belge ndaj “Djajve të Kuq”.
“Axurrëve” i mjaftuan më pak se 11 minuta lojë për të kaluar në avantazh. Një gabim i skuadrës belge në qarkullimin e topin u dha mundësinë futbollistëve të Italisë të organizonin një kundërsulm të shpejtë të konkluduar me gol nga Tonali.
Në krahun tjetër, “Gjelat” e Francës nuk arritën më shumë se barazimi i “bardhë”, pa gola, ndaj përfaqësueses së Izraelit, me nënkampionët e botës, që duket se kanë ndjerë jo pak mungesën e “yllit” të tyre, Kilian Mbape.
Falë këtyre rezultateve, Italia ngjitet në kuotën e 13 pikëve të Grupit A2, ndërsa pas tyre vjen Franca me 10 pikë. Belgjika mbetet në vendin e tretë me 4 pikë, ndërsa Izraeli siguron pikën e parë.
Në Ligën B spikat hakmarrja e Anglisë 0-3 në fushën e Greqisë. golat u realizuan nga Uotkins dhe Xhons, ndërsa vlen të theksohet edhe një autogol i Vlakodimos.
Përfaqësuesja e “Tre Luanëve” merr kreun me 12 pikë, me golavarazh më të mirë në ndeshjet e drejtpërdrejta me helenët.
Fitore e madhe edhe për Norvegjinë e Erling Haland në fushën e Sllovenisë. Nordikët shënuan menjëherë me Nusa, më pas ishte Haland ai që dyfishoi shifrat dhe në pjesën e dytë erdhën edhe golat e Nusa sërish dhe Jens Peter Haug.
Për vendasit golin e vetëm e shënoi bomberi Sesko me penallti. Austria dhe Norvegjia do të përcaktojnë tashmë vendin e parë në Grupin 3 të Ligës B.
Lini një Përgjigje