FLASH
Shkruar nga Pamfleti
Reali i Madridit ka marrë dy fitore në dy ndeshjet e para të kampionatit. Pas suksesit 2-0 të arritur në fushën e Bilbaos një javë më parë, “Los Blancos” kanë fituar 3-1 në fushën e Almerias.
Një fitore me përmbysje për skuadrën e Ançelotit, pasi vendasit kaluan në avantazh pas vetëm 3 minutash lojë me Arribas.
Disavantazhi nuk zgjati shumë, pasi Belingham barazoi në minutën e 19. Në fundin e pjesës së parë erdhi edhe goli i përmbysjes me Kros, por u anulua nga VAR për shkak të një faulli.
Në minutën e 60, ishte përsëri Belingham që realizoi dhe përmbysi ndeshjen për Realin e Madridit.
Në moshën 20-vjeç e 51 ditë, Xhud Belingham, është lojtari i dytë më i ri që shënon në të dy ndeshjet e tij të para në La Liga në shekullin e 21 (Markel Susaeta më 2007, 19-vjeç e 275 ditë).
Qetësia për “Los Blancos” erdhi në minutën e 73, kur Vinisius Zhunior realizoi edhe golin e tretë për miqtë me një goditje të mrekullueshme.
Kjo fitore ngjit Realin me pikë të plota në kreun e renditjes pas dy javësh, ndërsa bën që tani Belingam golashënuesin më të mirë të kampionatit me 3 rrjeta të tundura.
Lini një Përgjigje