FLASH
Shkruar nga Pamfleti
Shqipëria zhgënjen në miqësoren e parë historike përballë Kilit. Kuqezinjtë zhvilluan një 90 minutësh të dobët ku janë mposhtur me rezultatin e pastër 0-3 nga amerikano-latinët.
Eduardo Varga zhbllokoi sfidën në minutën e 20. Një pasim i bukur brenda zonës së kuqezinjve u kap nga Vargas, i cili me një goditje potente dërgoi topin furishëm, në rrjetën e Tomas Strakoshës, duke “shtangur” djemtë e Silvinjos.
Goal: Eduardo Vargas | ???????? Albania 0-1 Chile ????????pic.twitter.com/OVepjjZ4Ny
— FootColic ⚽️ (@FootColic) March 22, 2024
Kuqezinjtë protestuan për një prekje të topit me dorë, por gjyqtari bëri shenjë nga qendra e fushës duke e quajtur të vlefshëm golin.
Skuadra e Silvinjos e nisi pjesën e dytë të ndeshjes në përpjekje për të gjetur golin e barazimit, por tentativat e kuqezinjve ishin të lexueshme për kundërshtarët të cilët u vendosën taktikisht në mënyrë perfekte.
Ndërkohë për të ndryshuar diçka në lojën e Shqipërisë, Silvinjo bëri dy zëvendësime. Fillimisht në lojë hyri Armando Broja duke zënë vendin e Rei Manajt, ndërsa pak minuta më pas Nedim Bajrami i bëri vend Ernest Muçit.
Në minutën e 75, Broja “flirtoi” me golin nga fare pranë portës, por pa rezultat, pasi Isla largoi në këndore.
Në minutën e 84, Kili gjeti golin e dytë dhe të qetësisë. Një aksion perfekt i “La Roja” u finalizua më së miri nga “fantazisti” i Kolo Kolo, Marko Bolados, i cili vetëm pak sekonda pasi hyri në fushën e blertë dërgoi topin në rrjetën e Strakoshës, pas një asistimi fantastik të Davila.
El gol de Bolados para Chile, apenas ingresado al campo de juego (2-0) ????????
— Pato Figueroa (@soypatofigueroa) March 22, 2024
pic.twitter.com/NZR6ffEXcB
Në fundin e sfidës, një gol i Davilas “vulosi” shifrat përfundimtare në 0-3.
Më 26 mars, Shqipëria e drejtuar nga Silvinjo do të luajë miqësoren e dytë; atë përballë Suedisë. Ndeshja do të luhet në stadiumin “Friends Arena” në orën 19:00.
Lini një Përgjigje