FLASH
Shkruar nga Pamfleti
Roma nuk ia doli të kalojë pengesën e Udineses në ndeshjen e javës së 23 të Serie A. Në Bluenergy Stadium të Udine, skuadra verdhekuqe u mposht nga vendasit me rezultatin 1-0, duke mbetur me 44 pikë në renditje.
Pjesa e parë e ndeshjes ishte e kujdesshme dhe pa shumë raste konkrete. Udinese doli më aktive në disa momente, kryesisht me gjuajtje nga distanca, por pa mundur të rrezikojë seriozisht portën e Romës.
Në pjesën e dytë, Roma nisi me një rast të rrezikshëm në zonën friulane, por vetëm pak sekonda më vonë, Udinese kaloi në avantazh me golin e Ekkelenkamp, i cili shfrytëzoi një goditje dënimi në minutën e 49.
Udinese kishte mundësinë për të dyfishuar rezultatin në minutën e 76, kur Kristensen gjuajti drejt portës, por portieri i Romës, Svilar, arriti ta ndalonte. Në fund të takimit, Roma duket se e barazoi rezultatin me Cristanten në minutën e 89, por goli u anulua për pozicion jashtë loje të Tsimikas.
Me këtë rezultat Roma zbret në vendin e katërt duke bërë që Juventus të hyjë në katërshen e parë.
Lini një Përgjigje