FLASH
Shkruar nga Pamfleti
Goli i parë i shënuar nga Shqipëria ndaj Andorrës në “Arenën Kombëtare” nuk ishte rastësi. Kristjan Asllani dhe Rei Manaj shkëmbyen një bisedë të shkurtër përpara sesa të ekzekutonin goditjen e dënimit dhe nga gjestet e bëra, duket se mesfushori i Interit i bëri shenjë me dorë që të sulmonte shtyllën e parë.
Kështu ndodhi. Asllani e krosoi topin aty dhe Manaj përfitoi në ajër, duke ndëshkuar kundërshtarët.
Ndeshja mes Shqipërisë dhe Andorrës u mbyll me fitoren e kuqezinjve me rezultatin e pastër 3-0, ku Manja ishte protagonist me dy golat e realizuar në minutat 9 dhe 20.
Pas dy ndeshjeve të para të kualifikueseve të Botërorit në Grupin K, Shqipëria renditet në vendin e dytë me 3 pikë, po aq sa Letonia, por djemtë e Silvinjos kanë golavarazh më të mirë.
Ndeshjen e ardhshme, Shqipëria do ta luajë më 7 qershor në “Arenën Kombëtare” kundër Serbisë.
Lini një Përgjigje