FLASH
Shkruar nga Pamfleti
Pak ditë më parë, shqiptari Eklent Kaçi u shpall për të dytën herë kampion Bote në sportin e Bilardos, në disiplinën “10-ball”.
Por, Kryeministri Edi Rama ka zgjedhur që sot të urojë Eklent Kaçin për atë që ka arritur në bilardo. Në një postim të bërë në Facebook-un e tij, i pari i qeverisë shkruan:
“Woooowww
Krenarë për të rinj shqiptarë si Eklent Kaçi, i cili është shpallur kampion bote në sportin e bilardos në disiplinën “10-ball”
Në turneun e zhvilluar në Las Vegas 24-vjeçari shqiptar nga Kurbini mposhti në finale numrin një në botë, spanjollin Francesco Ruiz Sanchez, me rezultatin 10-7, dhe u bë kampion bote për të dytën herë”.
View this post on Instagram
Para 1 vit kur atletja shqiptare, Luiza Gega u shpall kampione Europe mori urime publike nga figura të shquara të botës së sportit dhe politikës. Pikërisht i riu nga Kurbini reagoi asokohe ndaj Edi Ramës duke iu drejtuar se pse arritjet e tij nuk janë vlerësuar edhe pse ai është shpallur kampion Europe dhe Bote duke përfaqësuar Shqipërinë.
Mesa duket kryeministri ka reflektuar duke i dhënë meritat dhe vlerësuar për arritjen Eklent Kaçit.
Lini një Përgjigje