FLASH
Shkruar nga Pamfleti
Përfundojnë dy ndeshjet që mbyllin raundin e 1/16 në Champions League. Bajerni i Mynihut është kualifikuar në çerekfinale, pasi mundi 2-0 PSG-në në shtëpi, ndërsa ndeshja e parë kishte përfunduar 0-1 në favor të gjermanëve.
Rasti më i rrezikshëm i përket minutës së 38. Gjermanët shpëtuan mrekullisht, teksa pas një gabimi të Somer brenda zonës, i dha mundësinë Vitinjës të shënonte por në atë moment, De Ligt shpëtoi për mrekulli portën duke e mbajtur të paprekur.
Bavarezët gjetën avantazhin në minutën e 61 me një gabim trashanik të Verratit që kishte topin në këmbë, por Goretzka ia mori në zonë dhe pasoi për Çupo Moting që mposhti portierin Donaruma.
Në minutën e fundit të takimit, Verrati humbi përsëri topin në zonën kundërshtare, Kanselo mori topin dhe me një zbritje të shpejtë nxorri Gnabri para Donarumës, ku nuk gaboi.
Pavarësisht se PSG-ja ka në skuadër lojtarë si Mbape dhe Mesi, duhet të kthehet përpara kohe në shtëpi. Bajerni vazhdon më tej dhe është një nga skuadrat pretendente për fitimin e këtij kompeticioni.
Siç nisi ashtu edhe bitisi. Milani ka siguruar kualifikimin, teksa ndeshja e luajtur në Londër me Totenhemin është mbyllur me rrjeta të paprekura.
Takimi i parë kishte përfunduar 1-0 në favor të ekipit të Piolit, ndërsa sonte në Londër sfida përfundoi pa gola.
Të parët që provuan ishin londinezët me Emerson, por kundërsulmi nuk rezultoi i suksesshëm. Pak minuta më pas, Teo Hernandez pati shansin e artë për të dhënë një asist perfekt, por u vonua dhe gjeti vetëm këmbët e Lenglet.
Portieri Forster i mohoi golin kuqezinjve në fillimin e pjesës së dytë me pritjet e tij spektakolare. Romero la ekipin e Kontes me një lojtar më pak, pasi doli me karto ntë kuq 10 minuta nga fundi. Deri në fund nuk pati ndryshim rezultati, me Milanin që vazhdon rrugëtimin.
Lini një Përgjigje