FLASH
Shkruar nga Pamfleti
Geri Lineker, ish-sulmuesi anglez, është vendosur në shënjestër të shumë kritikave, pasi këtë të martë ka shkruar një mesazh në rrjetet sociale për mosmiratimin e një mase të shpallur nga Suela Braverman, Sekretarja e Shtetit për Punët e Brendshme të Mbretërisë së Bashkuar.
Braverman njoftoi një plan, ku objektivi kryesor i të cilit është të ndalojë ardhjen e pakontrolluar të refugjatëve në Mbretërinë e Bashkuar, duke vendosur një gjobë ndaj tyre.
Lineker tha se gjuha në të cilën u parashtrua plani i migrantëve “nuk ishte ndryshe nga ajo e përdorur nga Gjermania në vitet 1930”. BBC i ka bërë thirrje Linekerit të marrë përsipër përgjegjësitë e tij, duke qenë se udhëzimet, veçanërisht për sa i përket paanshmërisë së gazetarëve, janë shumë strikte.
“Nuk ka asnjë fluks të madh. Ne pranojmë shumë më pak refugjatë se vendet e tjera të mëdha evropiane. Kjo është thjesht një politikë pa masë mizore e drejtuar ndaj njerëzve më të cenueshëm në një gjuhë që nuk është e ndryshme me atë të përdorur nga Gjermania në vitet ’30, dhe unë jam jashtë rregullit?”
There is no huge influx. We take far fewer refugees than other major European countries. This is just an immeasurably cruel policy directed at the most vulnerable people in language that is not dissimilar to that used by Germany in the 30s, and I’m out of order?
— Gary Lineker ???????? (@GaryLineker) March 7, 2023
Shtypi anglez thekson se drejtuesit e BBC-së, ku Lineker është komentator sportiv, kanë folur tashmë me ish-lojtarin dhe se largimi i tij nga stacioni është i mundshëm. Madje, Prokuroria Publike ka kërkuar edhe shkarkimin e anglezit.
I konsideruar si një nga futbollistët më të mirë britanikë në histori, Geri Lineker e filloi karrierën e tij konkurruese me klubin e vendlindjes, Leister Siti, me të cilin zhvilloi 194 paraqitje dhe shënoi 95 gola, duke u vendosur si një nga talentet më të mëdhenj të brezit të tij, si dhe e drejtoi klubin drejt fitores në Kampionatin e Ligës së Futbollit në sezonin 1984-1985.
Pas një periudhe të shkurtër me Evertonin (30 gola në 41 paraqitje), Lineker e lidhi suksesin e tij si profesionist me periudhën ndërmjet gjysmës së dytë të viteve 1980 dhe gjysmës së parë të viteve 1990, në të cilën ai veshi fanelat e klubeve të tilla si Barcelona dhe Totenham Hotspur.
Në palmaresin e tij ai mund të mburret me një Kupë Spanjolle, një Kupë Angleze, dy Superkupa dhe një Kupë të Fituesve të Kupave. Me 48 gola të shënuar në 80 ndeshje, ai është golashënuesi i katërt më i mirë ndonjëherë për ekipin e tij kombëtar pas Uejn Runit, Herri Kejn dhe Bobi Çarlton
Lini një Përgjigje