FLASH
Shkruar nga Pamfleti
Një orë ankthi u përjetua në Kroaci, teksa avioni me skuadrën e Dinamos së Zagrebit që udhëtonte për në Kazakistan u zhduk nga radarët.
Alarmi është ngritur në Kroaci gjatë fluturimit të klubit kampion për në Kazakistan, ku sot do të përballen me Astanën, në ndeshjen e dytë të Champions League, teksa nga përballja e parë kroatët kanë fituar me rezultatin e pastër 4-0, me fituesin e çiftit që përballë do ketë AEK-un e Athinës në raundin e tretë të Ligës së Kampionëve.
Siç raportojnë mediat kroate, avioni i Dinamos fluturoi mbi Serbi dhe Bullgari pak para se të zhdukej nga radarët mbi Detin e Zi. Tifozët që po ndiqnin trajektoren e fluturimit “ngrinë” dhe në rrjetet sociale sinjalizuan alarmin.
Ngjarja u shpjegua shpejt dhe të gjithë u qetësuan. Siç u përmend në njoftim, kjo është një procedurë standarde e ndjekur për shumë fluturime mbi Detin e Zi dhe arsyeja është se kjo zonë është shumë afër hapësirës ajrore të Ukrainës.
Pas një ore avioni i Dinamos së Zagrebit u shfaq sërish në radarë, konkretisht kur hyri në hapësirën ajrore të Gjeorgjisë, duke vazhduar fluturimin për në Kazakistan.
Lini një Përgjigje