FLASH
Shkruar nga Pamfleti
Portieri serb Vanja Milinkoviç-Saviç këtë sezon është i preferuari i trajnerit të Torinos Ivan Juriç.
Kjo ka bërë që portieri kosovar, Etrit Berisha, kohëve e fundit të përfundojë në stolin e rezervave.
Por, përfaqësuesi shqiptar nuk e ka pranuar këtë rol dhe është përjashtuar nga ekipi.
Prishtinasi po stërvitet i vetëm dhe përkundër dëshirës së tij, nuk mundi të gjente skuadër gjatë merkatos së janarit, pavarësisht se u përmend Gallatasaraji si opsion i mundshëm.
E trajneri Ivan Juriç, i cili në edicionin e kaluar i besoi pa asnjë dyshim Etrit Berishës, tashmë i ka kthyer shpinën atij.
“Në sezonin e kaluar, Berisha ka dhënë një kontribut të madh, por tashmë po has vështirësi për ta pranuar këtë situatë. Ai stërvitej keq dhe kjo është një gjë e dëmshme. Kush nuk stërvitet mirë dhe si duhet, do të qendrojë jashtë ekipit. Preferoj më shumë që me ekipin të stërvisë Xhemelon, i cili do të jetë portieri i dytë”, deklaroi trajneri Juriç për mediat italiane.
Berisha nuk është ftuar që nga ndeshja e humbur nga Specia, më 15 janar, ndërsa nuk ishte aktivizuar asnjëherë në lojë në ndeshjet paraprake deri në atë datë.
Herën e fundit, Berisha kishte qenë titullar në ndeshjen e fundit të sezonit të kaluar kundër Romës më 20 maj.
Sidoqoftë, trajneri Juriç tashmë preferon më shumë portierin serb, Milinkoviç-Saviç.
Gjatë merkatos së kësaj vere, ish-portieri i Lacios dhe Atalantës do të largohet nga Torino, ku luan edhe futbollisti tjetër kosovar, Mërgim Vojvoda.
Lini një Përgjigje