FLASH
Shkruar nga Pamfleti
Kristofe Galtie duket se nuk e ka vendin e sigurt te PSG-ja, me trajnerin francez që përflitet se do të largohet pa përfunduar sezoni. Për ta zëvendësuar atë janë përfolur shumë emra të mëdhenj.
Sipas mediave angleze, emri i Tomas Tuhel po lakohet fuqishëm këto ditë në Paris. drejtuesit kanë pranuar gabimin e bërë duke e shkarkuar pak kohë më parë. Një rikthim i mundshëm i tij është më i mundur tashmë që drejtor sportiv është Kampos dhe jo Leonardo. Në çdo rast, një opsion është edhe Zhoze Murinjo, por portugezi mund të ulej në stolin e PSG vetëm në përfundim të sezonit, për momentin nuk mund të largohet nga Roma.
Një temë më vete është edhe e ardhmja e dy yjeve të ekipit, Nejmar dhe Mesi. Sipas “L’Equipe”, braziliani nuk pritet të largohet, pavarësisht se drejtuesit e klubit do të bëjnë gjithçka për t’i gjetur një skuadër të re. Paga e tij dhe sjellja brenda dhe jashtë fushe po kthehen në një shqetësim të madh. Diskutimi është shumë ndryshe kur bëhet fjalë për Mesin. “Pleshti” preferon të përfundojë kontratën që i skadon në fund të këtij sezoni dhe më pas të largohet si lojtari i lir,ë ndërsa drejtuesit e klubit janë të gatshëm t’i plotësojnë çdo dëshirë për të zgjatur bashkëpunimin ndërmjet tyre.
Por emri i fundit për të marrë drejtimin e PSG-së i publikuar nga “Daily Express” ka çuditur të gjithë fansat.
Bëhet fjalë për legjendën angleze të Liverpulit, Stiven Xherrard, i cili ndodhet pa skuadër që nga shkarkimi nga stoli i Aston Vilës.
Lini një Përgjigje