FLASH
Shkruar nga Pamfleti
Trajneri i Realit të Madridit, Karlo Ançeloti nuk po mendon vetëm për futbollin, pasi tani italiani duhet të përballet edhe me shtetin spanjoll.
64-vjeçari po hetohet për evazion fiskal, kjo pasi Ançeloti nuk ka deklaruar 400 mijë euro në vitin 2014, shumë e cila kishte ardhur nga e drejta e imazhit. Një çështje e cila sapo ka nisur, por ka marrë vëmendjen e mediave spanjolle.
Agjencia e të Ardhurave beson se ka pësuar dëme afro 400 mijë euro. Gjyqtari hetues sqaron se vetë Ançeloti i ka pranuar faktet dhe tashmë është deklaruar fajtor për veprën që akuzohet. Jo çuditërisht, në deponimin e tij në sallën e gjyqit, ai ia faturoi incidentin faktit se ishte “këshilluar keq” nga këshilltarët e tij tatimorë.
Procesi që do të zhvillohet së shpejti do të mbyllet me një marrëveshje në të cilën tekniku do të pranojë një dënim me gjobën përkatëse, që është shuma e munguar në Tatime.
Lini një Përgjigje