FLASH
Shkruar nga Pamfleti
Nigeria është kualifikuar në finalen e Kupës së Kombeve në Afrikë. “Shqiponjat” nuk e patën aspak të lehtë, teksa për të siguruar biletën u deshën penalltitë, ndërsa koha e rregullt ndaj Afrikës së Jugut përfundoi 1-1.
Nigerianët shndërruan në gol një penallti me Trust-Ekong në minutën e 67. Fundi i ndeshjes nuk ishte për njerëz që kanë probleme me zemrën. Osimhen çoi peshë zemrat e tifozëve me golin e dytë në minutën e 85, por festa zgjati pak, pasi u anulua për faull.
Afrika e Jugut u fut në lojë me golin e Mokoenas në minutën e 90, me anë të penalltisë. Shtesa prej 30 minutash nuk solli gol, pavarësisht rasteve.
Nga pika e bardhë e penalltive më të saktë u treguan nigerianët, që realizuan katër ndërsa gabuan vetëm me Ainan. Kundërshtarët paguan ekzekutimet e dobëta të Mokoenas dhe Makgopas.
Lini një Përgjigje