FLASH
Shkruar nga Pamfleti
Ndeshja mes Kristal Palas dhe Milluoll në Kupën e Anglisë ka regjistruar në minutat e para një episod shumë të rëndë, kur portieri i skuadrës mike, Liam Roberts, ka goditur me shkelm në fytyrë sulmuesin e vendasve, Zhan-Filip Mateta.
Mateta u nis drejt zonës kundërshtare dhe Roberts bëri një ndërhyrje horror duke e shtrirë në tokë me një shkelm në fytyrë. Për çudinë e të gjithëve, gjyqtari Majkëll Oliver nuk dha as faull në ato momente, duke bërë shenjë që loja të vazhdonte. Por më pas ai u ftua nga VAR-i dhe i nxori kartonin e kuq portierit që në minutën e tetë të ndeshjes.
Mateta ndërkohë kishte pësuar një goditje të rëndë dhe për disa minuta kishte shqetësim për gjendjen e tij në fushë, nga e cila ai u largua me barelë dhe duke mbajtur maskë oksigjeni në fytyrë.
Lini një Përgjigje