FLASH
Shkruar nga Pamfleti
Elseid Hysaj është në qendër të kritikave, pas ndeshjes së djeshme që Kombëtarja humbi 2 1 përballë Italisë. Mbrojtësi kryqëzohet si fajtori kryesor i humbjes, ndërsa episodi për të cilin fajësohet është konkretisht goli i fitores së “Axurrëve”.
Në minutën e 16, Hysaj i hapi rrugë topit të gjuajtur nga Barela që më pas përfundoi në rrjetë. Për performancën e tij kanë shkruar dhe në Itali. Më saktë “Il Napolista” i ka kushtuar një shkrim tallës.
Mbështetësit e klubit ku Hysaj ka luajtur për plot 6 vite, thonë me nota ironie se i ka munguar. “Na ke munguar Hysaj, është art që ti i shmangesh topit të Barelës i cili më pas përfundon në rrjetë”, shkruhet në titull.
Kujtojmë se Hysaj la Napolin për Lacion në vitin 2021. Prej atëherë është pjesë e bardhekaltërve, ku ka kontratë dhe për 1 vit.
Lini një Përgjigje