FLASH
Shkruar nga Pamfleti
Kristian Shpendi humbi dje penalltinë më të rëndësishme, që ka gjuajtur deri tani. Sulmuesi shqiptar nuk ia doli t’i jepte avantazhin Çezenës ndaj Katanzaros, që më pas shënoi golin e fitores.
Rasti në fjalë i humbi mundësinë Çezenës për të ëndërruar Serinë A. Për këtë, Shpendi u përlot pas vërshëllimës së fundit.
Trajneri i Çezenës ndërkohë e ka mbështetur me fjalët e tij. Mishel Minjani foli për Shpendin, i cili me golat e shënuar ka nderuar më parë Çezenën.
“Këto gjëra bëjnë pjesë në rritjen e një djali. Shpendi është në vitin e tij të parë në Serinë B dhe pati një gjysmë të parë të sezonit fantastik, më pak në pjesën e dytë, por mori përgjegjësinë të shkojë te pika e bardhë.
Penalltitë humben, por futbolli përbëhet edhe nga zhgënjime. Forca e një njeriu dhe një lojtari qendron në aftësinë për t’u ngritur shpejt nga këto humbje”, u shpreh trajneri i Çezenas.
Lini një Përgjigje