FLASH
Shkruar nga Pamfleti
Anis Mehmeti vazhdon që të jetë një nga emrat më të komentuar, kjo për shkak të mungesës së tij në Kombëtaren shqiptare, pasi trajneri Silvinjo nuk e fton. Për këtë ka folur menaxheri i futbollistit, Mario Cenolli.
I ftuar në emisionin “MegaSport” në “A2 CNN”, Cenolli ka thënë se Mehmeti mezi pret që të luajë për Shqipërinë, madje thekson se nuk e di pse Silvinjo s’e fton. Ndër të tjera ai e bën “fakt” prezencën e sulmuesit në mars, duke parashikuar se Mehmeti do të shënojë.
“Di të them se Mehmeti është një djalë i mrekullueshëm dhe ka një familje të mrekullueshme. Nga bisedat më të mund t’iu them se mezi po pret që të luajë për Shqipërinë. Nuk e di, nuk ka arsye se përse Silvinjo nuk e thërret.
Mehmeti është gati të luajë në krahë të majtë dhe të djathtë, luan edhe pas sulmuesit. Për mua ne fitojmë 0-1 me Poloninë dhe fitojmë 0-1 në finale me Ukrainën, golin e shënon Mehmeti”, u shpreh Cenolli.
Edhe për Ozunin pati rezerva, por koha tregojë që ishte i dobishëm për kombëtaren.