FLASH
Shkruar nga Pamfleti
Shqipëria ishte shumë pranë një kualifikimi historik, por në fund Polonia arriti të përmbysë rezultatin dhe të fitojë 2-1 ndeshjen e “play-off”-it për Botërorin.
Kuqezinjtë e nisën mirë takimin, duke kaluar në avantazh 0-1 në fundin e pjesës së parë falë golit të Arbër Hoxhës. Ky rezultat rriti ndjeshëm shpresat për një kualifikim në finalen e “play-off”-it. Megjithatë, në pjesën e dytë, skuadra polake reagoi dhe arriti të përmbyste shifrat, duke siguruar fitoren.
Reagimi i mediave polake
Pavarësisht suksesit, mediat në Poloni kanë qenë kritike ndaj paraqitjes së ekipit të tyre. Vëmendje e veçantë i është kushtuar mesfushorit të djathtë, Mati Kesh, i cili luajti në skemën 3-5-2.
Sipas vlerësimeve të publikuara nga “SportweFakty”, Kesh nuk ishte në nivelin e pritur, veçanërisht gjatë pjesës së parë.
Vlerësimi për Mati Kesh
Media polake i ka dhënë lojtarit notën 5, duke theksuar:
Në disa raste gjatë pjesës së parë, ai dukej si “lojtari i 12-të” i Shqipërisë, sidomos në zonën e penalltisë së Polonisë.
Sipas analizës, kundërshtarë më cilësorë mund të kishin përfituar nga gabimet e tij për të shënuar.
Në pjesën e dytë shmangu përsëritjen e gabimeve, por gjithsesi pritej më shumë kontribut prej tij në fazën sulmuese.
Lini një Përgjigje