FLASH
Shkruar nga Pamfleti
Ivan Balliu, mbrojtësi i djathtë shqiptar i Rajo Vajekanos, siguroi se me të vërtetë skuadra e tij mezi e pret përballjen me Xhironën në 1/16 e Kupës së Mbretit, një titull i rëndësishëm, për të cilin ata janë emocionuar.
Rajo udhëton për në Xhirona për t'u përballur me ekipin katalanas në Montilivi. Në lojë është një kalim në çerekfinalet e Kupës, një kompeticion në të cilin ata arritën në gjysmëfinalen e vitit 2022.
"Ne me të vërtetë po e presim me padurim. E dimë që Kupa është një titull i rëndësishëm, diçka që e pëlqejnë tifozët dhe ne gjithashtu. Ne do të përpiqemi të sjellim gëzim dhe, megjithëse e dimë që orari nuk është shumë i mirë, ata do të na ndihmojnë ne nga shtëpia”, tha Balliu, i vlerësuar me çmimin “Pesë Yje” për lojtarin më të mirë të Rajos në dhjetor.
Ndërkombëtari shqiptar, i cili është në sezonin e tij të tretë te Rajo Vajekano, është pjesë e formacionit kryesor të Françisko Rodrigez, siç ishte më parë për Andoni Iraolën.
"Jam shumë rehat me ekipin, me klubin dhe me tifozët. Shpresoj që të kem edhe shumë vite, sepse jam i kënaqur edhe me besimin e trajnerit. Unë dua vetëm të shikoj lart, sepse ne punojmë shumë mirë këtu",- përfundoi ai.
Lini një Përgjigje