FLASH
Shkruar nga Pamfleti
Mbrojtësi shqiptar Marash Kumbulla ka vendosur të ardhmen e tij dhe dëshiron të bashkohet me Majorkën si klubin e radhës, pasi pritet t’i japë fund aventurës me Romën.
Sipas gazetarit të njohur Fabricio Romano, pavarësisht disa ofertave nga ekipe të ndryshme në Spanjë dhe Itali, Majorka është destinacioni i preferuar i mbrojtësit, aty ku luan dhe sulmuesi i përfaqësueses së Kosovës, Vedat Muriqi.
Klubi spanjoll tani mund të ketë në plan afrimin e Kumbullës për të forcuar mbrojtjen dhe për të përgatitur ekipin për sezonin e ardhshëm.
Transferimi pritet të përparojë në ditët në vijim, ndërsa tifozët e Majorkës presin konfirmimin zyrtar nga klubi.
Mbrojtësi kuqezi kërkohej edhe nga dy skuadrat e Serisë A, Kaljari dhe Verona, ndërsa Deportivo Alavesh, Majorka dhe Sevija ishin 3 skuadrat spanjolle që kërkonin shërbimet e 25-vjeçarit kuqezi. Kujtojmë se Kumbulla siç dihet ka kontratë të vlefshme me Romën deri në verën e vitit 2027.
Lini një Përgjigje