FLASH
Shkruar nga Pamfleti
Po flasim edhe njëherë për shkelje të “fair play financiar” nga Mançester Siti. Këtë herë është presidenti i UEFA-s, Aleksandër Ceferin, ai që jep mendimin e tij përmes “Daily Telegraph”.
“Ne e dimë që kishim të drejtë, – shpjegon slloveni në lidhje me penalizimet e vitit 2020 kundër kampionëve të Anglisë, të cilat më vonë u rrëzuan nga Gjykata e Arbitrazhit Sportiv. – Nuk do të lëviznim nëse nuk do të isha i sigurt se kishim të drejtë.
Një avokat si unë e di mirë se ndonjëherë fiton çështjet që je i sigurt se do t’i humbasësh dhe e anasjellta. Në një demokraci serioze duhet të respektosh vendimet e gjykatës. Besoj se vendimi i gjykatës ka qenë i saktë”.
Kujtojmë se Mançester Siti përballet me 115 akuza për shkelje të rregullave të FFP të Premier Ligës. Ditët e fundit, Riçard Masters, CEO i ligës më të mirë angleze, konfirmoi se një seancë është caktuar për të diskutuar rastin, por pa komunikuar datën e saktë.
Nëse do të shpallej fajtor, klubi kampion në fuqi i Premier Ligës do të përballej me sanksione financiare, deri në heqje pikësh nga renditja apo edhe përjashtim nga kampionati.
Për të njëjtat akuza, Evertoni tashmë është penalizuar me minus 10 pikë në renditje dhe rrezikon më shumë, ndërsa procedimet janë hapur edhe ndaj Notingem Forest.
Lini një Përgjigje