FLASH
Shkruar nga Pamfleti
Është mbyllur pa fitues dueli mes Laçit dhe Elbasanit, e vlefshme për javën e 13-të Kategorisë Superiore, ku të dyja skuadrat ndajnë nga 1 pikë dhe vështirësojnë punën për objektivat që kanë.
Në ndeshjen e luajtur në Laç, fillimisht ishin vendasit ata që kaluan të parët në avantazh që në minutën e ‘3 të takimit, pas një kundërsulmi me anë të Mjaki, i cili shfrytëzoi një pasim të mirë të dhënë nga Koffi.
Ndërkohë, rreth 13 minuta më vonë Elbasani kishte mundësinë e artë për të barazuar rezultatin, pasi gjyqtari akordoi një 11-metërsh në favor të tyre me ndihmën e VAR, pasi Koffi preku një top në zonë pas krosimit të Kasës. Por, Blaise Tsague gaboi nga pika e bardhë, pasi Dajsinani i kuptoi krahun dhe i priti penalltinë.
Në favorin e vendasve u mbyll fraksioni i parë i lojë, teksa verdheblutë gjetën golin e barazimit në minutën e ’59 të takimit, pasi Blaise Tsague gjeti rrugën e rrjetës, pas topit që nuk u largua si duhet nga Kurti në zonë, duke “shlyer” kështu edhe penalltinë e humbur.
Pavarësisht rasteve të mëvonshme, rezultati mbeti i pandryshuar, teksa pas këtij barazimi Laçi shkon në kuotën e 12 pikëve, duke qëndruar në zonën e ftohtë, ndërsa Elbasani shkon 17 pikë dhe qëndron në mesin e tabelës.
Lini një Përgjigje