FLASH
Shkruar nga Pamfleti
Liverpuli dhuron show dhe luan “tenis” ndaj Spartës së Pragës duke siguruar kualifikimin në çerekfinalet e Ligës së Europës. Skuadra e Jurgen Klop, që fitoi me rezultatin 1-6 edhe në sfidën e vajtjes në Pragë, duke mbyllur llogaritë që në minutat e para, pasi pas vetëm 14 minutash ndeshja ishte me rezultatin 4-0 me golat e Darvin Nunjez, Klark, Salah dhe Gakpo.
Mo Salah u bë kështu lojtari i parë në të gjithë historinë e Liverpulit që shënon 20+ gola në shtatë sezone radhazi në të gjitha kompeticionet. Rekordi i mëparshëm ishte me gjashtë sezon nga Ian Rash nga sezoni 1981-82 deri në 1986-1987. Në fakt, vetëm Rash (9 sezone) tani ka më shumë se 20 gola në total për Liverpulin sesa Salah (7 sezone).
Në pjesën e dytë erdhën edhe golat e Shoboslai dhe Harvi Eliot, teksa rezultati shënonte 6-1 pas minutës së 55.
Kurioziteti – Mateus Musialovski është lojtari i 90 që bën debutimin e tij për ekipin e Liverpulit që kur Jurgen Klop mori drejtimin dhe i 56 në moshën 20-vjeç ose më i ri.
Asnjë problem për Romën e Daniele De Rosit. Fitorja 4-0 në ndeshjen e parë ndaj Brajtonit i dhuroi qetësinë e duhur italianëve, me përballjen e sotme në "Amex Stadium" që përfundoi 1-0.
Triller në Gjermani. “Aspirinat”, nëse në kampionat po shkojnë një drejt rrëzimit të sundimit të Bajernit të Mynihut, në Europl duken tjetër ekip. Skuadra e Çabi Alonsos barazoi 2-2 ndaj Karabagut në ndeshjen e parë, ndërsa sonte ia dolën në limite me shifrat 3-2. Atalanta e Berat Gjimshitit përmbysi Sporting dhe mundi portugezët 2-1 (1-1 ndeshja e parë).
Në Conference League, “buzëqesh” Aston Vila dhe Lila e Edon Zhegrovës.
Lini një Përgjigje