FLASH
Shkruar nga Pamfleti
Në “Kukës Arena”, Kukësi dhe Teuta nuk kanë shkuar më shumë se një barazim pa gola, në ndeshjen e vlefshme për qendrimin në elitë. Frika e madhe për të mos humbur bëri që skuadrat të jenë tejet të kujdesshme, në një sfidë ku mungoi konkretizimi.
Pas çerek ore lojë, Kallaku provoi nga goditja e dënimit, por pa mundur dot të gjente portën.
Verilindorët iu afruan shumë golit në minutën e 33. Ishte Gjelbrim Taipi që vendosi në provë Qirkon me një gjuajtje nga distanca, por portieri i tha jo, duke devijuar topin në këndore.
Sërish “gardiani” Qirko ishte protagonist pak më vonë me një pritje ndaj Muratit.
Sherif Kallaku shkaktoi drithërima në fillimin e pjesës së dytë me një perlë nga larg, por goli s’po vinte.
Në minutën e 70, djemtë e Hallaçit “flirtuan” sërish me golin e epërsisë, Gjelbrim Taipi gjeti shtyllën, ndërsa në po të njëjtin aksion,h Basa nuk shfrytëzoi siç duhet topin e kthyer, duke dërguar sferën jashtë.
Sa i takon tabelës, kuksianët janë në vendin e 8 me 37 pikë. Në krahun tjetër, durrsakët janë të pozicionuar në vendin e 6 me 39 pikë.
Lini një Përgjigje