FLASH
Shkruar nga Pamfleti
Ndeshja çerekfinale e Kupës së Serbisë mes Novi Pazar dhe Crvena Zvezda u shoqërua me tensione të forta në tribuna dhe incidente edhe jashtë stadiumit.
Skuadra e Zvezdës fitoi takimin, por vëmendja kryesore ishte në tribunat e stadiumit.
Takimi u ndërpre që në sekondën e 50-të, për rreth shtatë minuta, ndërsa gjatë ndeshjes pati edhe ndërprerje të tjera për shkak të tensioneve dhe përplasjeve mes tifozëve dhe forcave të policisë.
Tifozët e Crvena Zvezdës, brohoritën emrin e kriminelit të luftës Ratko Mladić. Në anën tjetër, tifozët e Novi Pazarit reaguan me thirrje “Naser Orić” dhe “Kosova është shqiptare”, ndërsa në stadium u dëgjuan edhe këngë me vargjet: “Mbetët pa Kosovën, ishte serbe, tani është shqiptare… Kosova nuk do të kthehet.”
Ngjarjet në stadium kanë shkaktuar reagime në Serbi, shkruan media ruse telegraf.rs.
Nga qeveria serbe i është propozuar Federatës së Futbollit të Serbisë që të shqyrtojë masa ndëshkuese.
Tifozët e Novi Pazar kanë rivalitete dhe tensione me shume grupe tifozësh serbë dhe shpeshherë gjatë ndeshjeve brohorasin apo këndojnë në mbështetje të Kosovës. Tek skuadra e Novi Pazar aktivizohet edhe futbollisti shqiptar Driton Camaj.
Lini një Përgjigje