FLASH
Shkruar nga Pamfleti
Sulmuesi i kombëtares shqiptare, Mirlind Daku ka kërkuar falje për komentet e bëra ndaj Maqedonisë në përfundim të ndeshjes me Kroacinë.
Pas reagimit të ardhur nga Federata Maqedonase e Futbollit, Daku me anë të një postimi në rrjetin social “Facebook” ka kërkuar falje për komentet, teksa ka theksuar se nuk ka pasur si qëllim të ofendojë askënd.
“Përshëndetje të gjithëve. Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024.
Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi”.
Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona.
Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar. Me respekt, Mirlind Daku”, shkruan Daku.
Lini një Përgjigje