FLASH
Shkruar nga Pamfleti
Bajerni i Mynihut ka marrë fitoren e katërt rresht në Bundesligë, duke fituar 1-4 në transfertë ndaj Hofenhajmit. Protagonisti kryesor i ndeshjes ishte Herri Kejn me 3 gola të shënuar.
Goli i parë i bavarezëve erdhi në fund të pjesës së parë pas një skeme fantastike, Lenart Karl, pasoi ultas nga goditja e këndit, Herri Kejn dërgoi topin në rrjetë me një goditje të fuqishme.
Në fillim të pjesës së dytë, goditja e Sasha Boei u ndal me dorë brenda zonës nga lojtari kundërshtar. Herri Kejn u tregua i saktë nga 11-metrat. Në minutën e 69, Kim Min-Jae u dëmtua dhe në vend të tij hyri Dajot Upamekano.
Në minutën e 75, Olize u pengua brenda zonës, arbitri pasi pa pamjet në ekran, dha sërish penallti për bavarezët. Sërish Herri Kejn u tregua i saktë.
Vladimir Kufal shënoi golin e nderit për vendasit në minutën e 82, pas ekzekutimit perfekt të goditjes së dënimit. Dyshja e Kosovës, Leon Avdullahu dhe Fisnk Asllani e nisën si titullar dhe u zëvendësuan në 10 minutat e fundit. Serzh Gnabri vulosi fitoren 1-4 për Bajernin me golin e tij në minutën e fundit shtesë.
Në sfidat e tjera, Augsburg-Mainc 1-4, Hamburg-Heidenhajm 2-1, Verder Bremen-Frajburg 0-3.
Lini një Përgjigje