FLASH
Shkruar nga Pamfleti
Gjermania do të kërkojë të enjten fitoren e saj të 12-të radhazi, një rezultat që do t’i mundësonte të barazonte rekordin për serinë më të gjatë të fitoreve në historinë e kombëtares së “Pancerave”
Përfaqësuesja gjermane e zgjati ecurinë pozitive në 11 ndeshje pas triumfit 2-1 ndaj Bregut të Fildishtë të shtunën, rezultat që i siguroi kalimin në fazën me eliminim direkt të Kupës së Botës. Tashmë, skuadra e drejtuar nga Julian Nagelsman ka mundësinë të shkruajë historinë në përballjen e fundit të fazës së grupeve kundër Ekuadorit.
Në rast se arrin të fitojë edhe këtë takim, Gjermania do të barazojë rekordin historik prej 12 fitoresh radhazi, të vendosur mes majit të vitit 1979 dhe qershorit 1980 nën drejtimin e trajnerit Jup Deruoll.
Pavarësisht rezultatit ndaj Ekuadorit, gjermanët e kanë siguruar tashmë vendin e parë në grup. Ata kryesojnë renditjen me gjashtë pikë dhe një golavarazh mbresëlënës 9-2, duke konfirmuar formën e mirë në këtë edicion të Kupës së Botës.
Lini një Përgjigje