FLASH
Shkruar nga Pamfleti
Formula 1 zhvilloi provat e lira të premten për Çmimin e Madh të Bahreinit, të cilat u dominuan nga MekLaren. Një rast i çuditshëm që po hetohet ndodhi me pilotin e Aston Martin, veteranin Fernando Alonso.
Gjatë provave të tij, në momentin kur spanjolli veteran duhet të merrte një kthesë në të djathtë, timoni i "njëvendësesh" doli nga pozicioni dhe i mbeti në dorë Alonsos. Ky moment është duke u hetuar nga skuderia në fjalë, pasi një ndodhi e tillë mund të sillte një aksident në pistë. Situatë kjo që u kujtoi të gjithëve aksidentin fatal që i solli vdekjen Airton Senës në maj të vitit 1994.
Sa i takon provave të lira, ishte MekLaren që dominoi me dy pilotët e saj. Oskar Piastri e mbylli me kohën 1:30.505, teksa me 154 të mijëtat më pas u rendit shoku i tij i skuadrës, Lando Norris. Pas tyre Rasëll, Lëklerk dhe Antoneli.
Sot (e shtunë) në orën 14:00 do të mbahet sesioni i tretë i lirë, ndërsa në orën 18:00 do të nisin kualifikueset. Gara do të fillojë të dielën në orën 17:00.
Insolite, le volant de Fernando Alonso s'est détaché alors même qu'il roulait ????#F1 #BahrainGPpic.twitter.com/J8uHpSJnI0
— Off Track (@OffTrack_FR) April 11, 2025
Lini një Përgjigje