FLASH
Shkruar nga Pamfleti
Skuadra nga Maranelo ka vendosur të nxjerrë në ankand një tjetër makinë unike të koleksionit të saj. Bëhet fjalë për një nga makinat më të dashura të tifozëve, atë F1-2000, makina me të cilën, Majkëll Shumaker fitoi titullin e parë kampion me Ferrari.
Makina do të nxirret në ankand nga kompania RM Sotheby’s në Hong Kong dhe parashikohet që çmimi i saj të shkojë deri në 9 milionë euro. Një shumë më e ulët se ajo që u arkëtua për makinën tjetër Ferrari të ish-pilotit gjerman F2003-GA, që u shit 14.5 milionë euro.
Nga gjithsej 13 gara që përfundoi, Shumakeri nuk ishte në podium vetëm një herë, pasi kaloi vijën e finishit si i pesti në Spanjë. Në nëntë gara, ai ishte në shkallën më të lartë. Në total, bolidi F-2000 arriti 10 fitore në 17 gara në sezon, si dhe 10 “pole position” dhe pesë xhiro më të shpejta gjatë vitit. Shumakeri dhe shoku i tij i skuadrës Rubens Barrikelo regjistruan së bashku 21 podiume.
Sezoni i kampionatit të Shumakeri në vitin 2000 i solli Ferrarit titullin e parë të pilotit në 21-vjet. Para kësaj, kjo u bë nga Xhodi Shenkter në vitin 1979, kur ai parakaloi shokun e skuadrës Zhiles Vilaneuv.
Bolidi F1-2000 fuqizohet nga një motor 3.0-litërsh V10 dhe e njëjta bazë u përdor nga 3.0-litra V10 që i solli Shumakerit dhe Ferrarit katër tituj të tjerë kampionë. Në rastin e bolidit F1-2000, motori “rrotullohet” më shumë se 17,000 rrotullime për minutë dhe zhvillon më shumë se 800 kuaj fuqi. Bolidi në foto mban shasinë me numrin 198, dhe Shumakeri e voziti atë kur fitoi pole position në Monako dhe Spanjë.
Gjithashtu, ai fitoi nga rreshti i dytë titullar në Brazil. Për shkak të incidentit në të cilin vetura BAR-Honda e goditi atë në Austri, bolidi nuk e përfundoi garën dhe pas riparimeve të vogla u përdor si rezervë për pjesën e mbetur të sezonit.
I njëjti bolid është shitur në vitin 2014 në SHBA për 1.8 milionë dollarë, por këtë herë pritet një çmim dukshëm më i lartë. Bolidi i kampionatit F1 e Shumakerit në vitin 2003 u shit kohët e fundit për 1.46 milionë franga zvicerane.
Lini një Përgjigje