FLASH
Shkruar nga Pamfleti
Rei Manaj mban ende në ankth tifozët turq të Sivasporit, teksa e ardhmja e tij ende mbetet në pikëpyetje. Këtë gjë e ka pohuar vetë lushnjari, në përfundim të sfidës së vlefshme për javën e parë të Superligës Turke, mes Sivasporit dhe Trabzonsporit, kur Manaj luajti për 90 minuta. Në prononcimin pas sfidës, Manaj ka zbuluar se klubi është në bisedime për shitjen e tij, por në anën tjetër sulmuesi zbulon se edhe nëse qendron në Sivas ai do të jetë po aq i lumtur, pasi është një klub që atij i ka dhënë shumë dashuri.
“Kemi patur takime me klubin sa i takon situatës së transferimit. Mund të them se gjithçka është ende në zhvillim. Nuk e di nëse do të largohem apo do të vijoj të jem pjesë e Sivasporit. Unë e dua shumë Sivasin, jam trajtuar gjithmonë shumë mirë këtu. Nëse do të jetë e mundur që të vazhdoj, sigurisht që do të qendroj”, deklaroi Manaj pas ndeshjes.
Manaj shpërtheu edicionin e shkuar, duke qenë shënuesi i tretë më i mirë i kampionatit, pas Mauro Ikardit dhe Edin Xhekos. Falë kësaj paraqitjeje, 27-vjeçari i bëri vend vetes në skuadrën e Silvinjos në “EURO 2024”. Për futbollistin kuqezi ka patur interesim nga Seria A, ku është përmendur Kaljari si një opsion i mundshëm për shtatlartin e Kombëtares së Shqipërisë.
Lini një Përgjigje