FLASH
Shkruar nga Pamfleti
Real Madrid fitoi një derbi të çmendur me rezultat 3-2 kundër Atlético Madrid-it mbrëmjen e sotme, në një ndeshje plot kthesa dramatike në Santiago Bernabéu.
Los Blancos u rikthyen nga humbja në pjesën e parë dhe morën tre pikë vendimtare falë Vinícius Júnior dhe Federico Valverde-s, por ndeshja u mbyll me karton të kuq për Valverde-n në minutat e fundit.
Ndeshja nisi me dominim të Atlético-s dhe ata kaluan në epërsi në minutën e 33-të kur Ademola Lookman shënoi pas asistit të Giuliano Simeone-s duke vendosur shifrat 0-1. Real Madrid u zgjua në pjesën e dytë dhe barazoi shpejt nga pika e bardhë në minutën e 52-të me Vinícius Júnior.
Vetëm tre minuta më vonë, në minutën e 55-të, Federico Valverde dha epërsinë 2-1 me një goditje të saktë nga jashtë zone.
Atlético nuk u dorëzua dhe barazoi sërish në minutën e 66-të falë Nahuel Molina-s, që shënoi pas asistit të Julián Álvarez për 2-2. Por hero i mbrëmjes u bë sërish Vinícius Júnior, i cili në minutën e 72-të mori topin nga Trent Alexander-Arnold dhe me një goditje spektakolare nga jashtë rrjetës vendosi 3-2 për Real-in.
Ndeshja u tensionua edhe më shumë kur në minutën e 77-të Federico Valverde mori karton të kuq direkt për një faull të rëndë duke lënë Real Madrid-in me 10 lojtarë deri në fund. Megjithatë, mbrojtja e Los Blancos mbajti fort dhe siguroi tre pikë të rëndësishme.
Me këtë fitore Reali ndodhet në vendin e dytë me 69 pikë, ndërsa Atletico në vendin e katërt me 57 pikë.
Lini një Përgjigje