FLASH
Shkruar nga Pamfleti
Barcelona fitoi me rezultatin minimal 1-0 ndaj Rayo Vallecanos në ndeshjen e zhvilluar sot në La Liga, në kuadër të javës së 29-të të kampionatit spanjoll. Goli i vetëm i ndeshjes u shënua nga Ronald Araújo në minutën e 24-t, me një goditje me kokë, pas një krosimi nga João Cancelo, duke i dhënë avantazhin katalanasve në pjesën e parë.
Në pjesën e dytë, skuadra e Hansi Flick shtoi presionin dhe kërkoi golin e sigurisë për të mbyllur ndeshjen, por sulmuesit blaugrana nuk u treguan mjaftueshëm konkretë para portës kundërshtare. Megjithatë, mbrojtja e Barcelonës qëndroi solide deri në fund.
Rayo Vallecano pati disa raste të rrezikshme, veçanërisht përmes Álvaro García, i cili kërcënoi portën vendase, por portieri i Barcelonës, Joan García bëri ndërhyrje të rëndësishme për të ruajtur portën e paprekur.
Me këtë fitore, Barcelona vazhdon të kryesojë renditjen e La Ligas me 73 pikë pas 29 ndeshjeve duke pasur një diferencë prej 7 pikësh ndaj Real Madridit të vendit të dytë (66 pikë) dhe një ndeshje më pak.
Lini një Përgjigje