FLASH
Shkruar nga Pamfleti
Nuk ka fitues në derbin e kryeqytetit. Tirana dhe Dinamo i kanë mbyllur në paqe 90 minutat e këtij takimi, duke bërë që ndeshja e luajtur në “Selman Stermasi” të përfundonte në barazim 1-1. Nga ana tjetër, trajneri i ri, Dritan Mehmeti nuk arriti të debutonte me fitore në stolin dinamovit.
Bardheblutë zhbllokuan sfidën në minutën e 40. Abazaj hodhi një top në zonë që u devijua nga Sali, me Hasanin që ishte në vendin e duhur dhe në kohën e duhur për ta dërguar topin në rrjetë.
Me fitoren e ekipit të Julian Ahmatajt u mbyll edhe pjesa e parë e këtij takimi.
Sapo nisi pjesa e dytë, më konkretisht në minutën e 51, Dinamo barazoi shifrat. Denison nuk fali në afërsi të portës.
Në minutën e 74, “nëndetësja blu” mbeti me 10 lojtarë. Gudiabi mori një tjetër karton të verdhë, pasi goditi Deliun në kokë.
Me këtë barazim, Tirana renditet në vendin e 3 me 14 pikë, po aq sa Laçi, ndërsa Dinamo mban vendin e fundit me 8 pikë.
Lini një Përgjigje