FLASH
Shkruar nga Pamfleti
Arsenali kryesues ka marrë një fitore spektakolare me përmbysje ndaj Burnmuthit me rezultatin 3-2, duke dërguar sërish diferencën në +5 nga Mançester Siti i vendit të dytë.
Që do të ishte një ndeshje e vështirë për “Topçinjtë”, kjo u pa që në sekondat e para, teksa Billing zhbllokoi shifrat. Pavarësisht presionit të ekipit të Artetas, mysafirët dyfishuan shifrat me Senesin pas 60 minutash lojë.
Arsenali nuk u demoralizua dhe vendosi ekuilibrat. Fillimisht ndeshjen e rihapi Parti, e më pas goli i barazimit të përkohshëm mban vulën e Uajt.
Në minutën e 98 ndodhi mrekullia. Skuadra e Mikel Artetës gjeti golin e fitores me Nelson, i aktivizuar në minutën e 69 në vend të Smith Rou.
Kthehet më në fund të fitorja Çelsi i Graham Poter. Pas disa rezultatesh zhgënjyese radhazi, Blutë kanë mundur 1-0 në shtëpi skuadrën e Lidsit falë golit të Fofana në minutën e 53.Rezultat zhgënjyes për Totenhemin e Antonio Kontes. “Spërsat” u mundën 1-0 në fushën e Volves, me këta të fundit që gjetën golin e fitores në minutën e 82 me Traore.
Lini një Përgjigje