FLASH
Shkruar nga Pamfleti
Armando Broja është drejt fundit të huazimit tek Evertoni. Në fund të qershorit, sulmuesi pritet të rikthehet te Çelsi, skuadër që ka në pronësi kartonin e tij.
Kjo pasi Evertoni nuk ka ndërmend të paguajë për shërbimet e shqiptarit, me Brojën që këtë sezon i ndikuar edhe nga dëmtimi nuk ka mundur të lërë gjurmë. Por nga ana tjetër te Çelsi sërish nuk e shikojnë si pjesë e të ardhmes.
Në këto kushte në Angli kanë zbuluar edhe planin e “Bluve”. Sipas “BBS Sport” bëhet me dije se Çelsi nuk dëshiron që Broja të jepet sërish në huazim.
Drejtuesit duan të “heqin qafe” 23-vjeçarin dhe dëshirojnë që ta shesin te një tjetër ekip, ndërsa mbeten në pritje të ofertave për të. Siç dihet Broja dhe Çelsi kanë kontratë mes tyre deri në verën e vitit të ardhshëm.
Vlen të theksohet se huazimi te Evertoni në këtë sezon, ishte i katërti për Brojën që prej debutimit të tij me Çelsin. Në këto kushte, është gjithnjë e më e mundshme që Broja të largohet përfundimisht nga Çelsi në merkaton e verës, ndërkohë që mbetet për t’u parë se cili do të jetë destinacioni i tij i radhës.
Lini një Përgjigje