FLASH
Shkruar nga Pamfleti
Boksieri i famshëm Entoni Xhoshua u plagos në një aksident me makinë në Nigeri, në të cilin humbën jetën dy persona të tjerë.
Pamjet, ende të paverifikuara në mediat sociale, tregojnë boksierin britanik Xhoshua të plagosur, duke u përpjekur të shpëtojë nga një aksident me makinë në Nigeri.
Në këtë aksident thuhet se dy persona kanë humbur jetën. Ish-kampioni britanik i botës në peshat e rënda shihet i ulur në sediljet e pasme të një automjeti që është përfshirë në një përplasje të rëndë.
Xhoshua, i cili është i vetëdijshëm në pamjet filmike, shihet duke u dridhur nga dhimbja para se të ndihmohet të dalë nga automjeti i aksidentuar.
Mësohet se aksidenti ka ndodhur rreth orës 11:00 të mëngjesit, sipas orës lokale të hënën, përgjatë një pjese të ngarkuar të autostradës Lagos-Ibadan. Një raport paraprak tha se Xhoshua pësoi lëndime të lehta dhe dy persona humbën jetën.
Sipas policisë lokale, Xhoshua ishte në një Lexus SUV kur goditi një kamion të ndaluar. Ai ishte midis katër pasagjerëve në automjet, ndërsa sigurimi i tij e ndiqte me një makinë tjetër. Xhoshua dhe të plagosurit në aksident janë dërguar në spital.
Një dëshmitar okular i tha gazetës Punch: “Ishte një konvoj me dy automjete: një Lexus SUV dhe një Pajero SUV. Xhoshua ishte ulur pas shoferit, me një person tjetër pranë tij. Kishte edhe një pasagjer të ulur pranë shoferit, duke e çuar numrin në 4 persona në Lexusin që u përplas. Siguria e tij ishte në automjetin pas tyre para aksidentit“.
Pamjet filmike treguan një Xhoshua pa bluzë që dukej i hutuar në vendngjarje, ndërsa dukej në dhimbje. Video të mëtejshme treguan dy trupa të shpërndarë nëpër një rrugë.
????DEVELOPING STORY
— @???????????????????????????????????????????????????? (@OneJoblessBoy) December 29, 2025
Anthony Joshua reportedly involved in a car crash in Ogun State. pic.twitter.com/BSr9ANgpH6
Lini një Përgjigje