FLASH
Shkruar nga Pamfleti
Granit Xhaka është një nga emrat më të kërkuar në këtë merkato. Për mesfushorin shqiptar ka interes nga klubet e mëdha të Serisë A si Juventusi, Milani dhe Interi, nga dy klubet kryesore të Turqisë, Fenerbahçe dhe Gallatasaraji, nga liga arabe Neom SC dhe së fundmi nga Sandërlendi.
Klubi i rikthyer këtë vit në Premier Ligë, i ka ofruar mesfushorit shqiptar një kontratë 3-vjeçare sipas asaj që raporton “Sky Sport”. Xhaka ka qenë më parë pjesë e Premier Ligës, ku ka luajtur për 7 sezone tek Arsenali dhe padyshim ky do të ishte një rikthim i bujshëm në Angli.
Mesfushori shqiptar është ende në mëdyshje për të pranuar ofertën e majme e ardhur nga klubi arab, që i jep 10 milionë euro rrogë në sezon, apo të rikthehet në Premier Ligë. Brenda muajit korrik, Granit Xhaka do të vendosë përfundimisht për të ardhmen e tij, duke parë sa shumë klube e duan. Nuk përjashtohet as mundësia për të vazhduar te Leverkuseni, të paktën edhe për një sezon.
Lini një Përgjigje