FLASH
Shkruar nga Pamfleti
Një përplasje dramatike familjare ka shpërthyer në Taipei, Tajvan, pasi një milioner 102-vjeçar, i identifikuar si Wang, u largua me forcë nga spitali nga fëmijët e tij, vetëm pak javë pasi kishte regjistruar në fshehtësi martesën me kujdestaren e tij 68-vjeçare, Lai.
Ngjarja ndodhi në distriktin Zhongshan, kur Wang po largohej nga një vizitë mjekësore i ulur në karrocë, të cilën e shtynte bashkëshortja e re. Në hyrje të spitalit e prisnin tre djemtë e tij, nuset dhe disa nipër e mbesa, të cilët ndërhynë për të marrë kontrollin e karrocës dhe larguar kujdestaren, ndërsa situata u tensionua edhe në rrugë.
Sipas pretendimeve të fëmijëve, ata zbuluan martesën vetëm pasi u mohua takimi me të atin disa ditë pas regjistrimit më 5 janar. Ata akuzojnë Lai se e ka izoluar të moshuarin nga familja dhe ka përfituar nga gjendja e tij shëndetësore për përfitime financiare.
Raportohet se Wang ka transferuar shtatë parcela toke dhe një policë sigurimi me vlerë rreth 1.9 milionë paund te bashkëshortja dhe fëmijët e saj, ndërsa vlera totale e pasurisë së tij llogaritet mes 16 dhe 18.7 milionë paund. Këto lëvizje kanë ndezur konfliktin dhe çështja ka shkuar drejt gjykatës.
Nga ana e saj, Lai mohon çdo shkelje dhe ka paraqitur kallëzim për detyrim dhe fyerje publike, si dhe ka kërkuar urdhër mbrojtjeje ndaj familjes së bashkëshortit. Autoritetet e regjistrimit civil kanë deklaruar se gjatë procedurës së martesës Wang ishte në gjendje të përgjigjej qartë dhe përmbushte kriteret ligjore, pasi ligji tajvanez nuk vendos kufi moshe për personat me aftësi të plotë juridike.
Tashmë, vlefshmëria e martesës dhe e transferimeve të pasurisë do të vendoset nga gjykata, ndërsa konflikti familjar vijon të ndezë debat publik në Tajvan.
Lini një Përgjigje