FLASH
Shkruar nga Pamfleti
Këngëtarja kosovare Teuta Selimi, raportohet se ka denoncuar për dhunë në familje bashkëshortin e saj, Patrik Nezirin.
Siç raporton ‘Sinjali’, këngëtarja ishte goditur disa herë në kokë nga bashkëshorti i saj me të cilin ka dhe dy fëmijë.
Rasti kishte ndodhur në orët e para të mëngjesit të ditës së mërkurë.
Burimet brenda Prokurorisë kanë bërë me dije se një konflikt verbal mes çiftit dyshohet se përshkallëzoi në dhunë fizike, kur i dyshuari e kishte goditur disa herë Teutën në kokë.
Përveç se denoncoi bashkëshortin e saj, këngëtarja denoncoi mbrëmë pas mesnate edhe vëllain e saj, Agron Selimin.
Sipas informacioneve të para, bazuar në dëshminë e saj, i dyshuari e ka sulmuar fizikisht për shkak të një debati lidhur me rastin që kishte denoncuar një ditë më parë.
Policia është vënë në lëvizje dhe ka marrë në pyetje palët e përfshira në rast dhe më pas është vënë në dijeni edhe Prokurori i Shtetit.
Me vendim të prokurorit, vëllai i këngëtares është ndaluar nga policia për 48 orë dhe ndaj tij ka nisur hetimi për veprën penale “Dhuna në familje”.
Lini një Përgjigje