FLASH
Shkruar nga Pamfleti
Jori Delli është banorja, e cila u bë pjesë mbrëmjen e së shtunës në “Big Brother VIP Albania”. Modelja dhe moderatorja 28-vjeçare është shumë e njohur në botën e sportit në Itali, pasi është një nga fytyrat e Sportitalia.
Ajo ka një numër shumë të lartë ndjekësish në rrjetet sociale si dhe ka qenë e fejuara e Simone Camolese, djali i Giancarlo, ish-trajner i Torinos dhe Livornos.
Delli është shqiptarja e cila ka lënë pa fjalë Berlusconin. Ish kryeministri italian ka telefonuar drejtorin dhe i ka thënë ta lejojë të përshëndesë shqiptaren.
“Je shumë e bukur, më ke pushtuar,”- mësohet se ka thënë Berlusconi.
Jori ka studiuar për Inxhinieri në Universitetin Politeknik të Torinos por pasioni për sportin, ka bërë të ndryshojë karrierë.
Jori është shoqe e Beniadës dhe pak kohë më parë në një intervistë, është shprehur se do t’i pëlqente të hynte në Big Brother dhe të ishte aty brenda Butrint Imeri.
Lini një Përgjigje