FLASH
Shkruar nga Pamfleti
Përpara se të bëhej monedha botërore-simbol i fuqisë, dollari kishte një pikënisje të papritur: qytetin e vogël bohem të Jáchymov.
Sot, ai ka vetëm 2,300 banorë, nuk ka banka dhe... as nuk pranon dollarë, pavarësisht se është vendlindja e tyre.
Edhe vendasit nuk janë të vetëdijshëm për rëndësinë e qytetit të tyre. Asnjë shenjë, asnjë monument nuk na kujton se monedha që dominon planetin ka lindur këtu. Guida turistike Jan Frantsovics në Muzeun Mbretëror të Monedhave e thotë këtë me shaka: “Ne nuk pranojmë dollarë, vetëm ku euro ose ndonjëherë rubla”.
Historia fillon në vitin 1516 kur Konti Hieronymus Schlick themeloi qytetin e Joachimsthal (Lugina e Joachim-it). Katër vjet më vonë ai mori lejen për të prerë monedha. Kështu lindi Joachimsthaler- i, i cili shpejt u shkurtua në thaler, që në anglisht i dha jetë fjalës dollar.
Taleri ishte i peshuar mirë, i besueshëm dhe qarkullonte në sasi të mëdha. Deri në mesin e shekullit të 16-të, 12 milionë talerë kishin përmbytur Evropën, duke e bërë Jáchymov qendrën më të madhe të minierave në kontinent me 1,000 miniera dhe 8,000 punëtorë.
Monedha udhëtoi dhe ndryshoi formë: tallar, daler, tallero, talár, talíro, një zinxhir emrash që zgjati deri në shekullin e 20-të.
Lini një Përgjigje