FLASH
Shkruar nga Pamfleti
Këngëtari i njohur Rod Stewart ka tërhequr vëmendje gjatë një eventi në Londër, ku iu drejtua mbretit Charles III me një koment për ish-presidentin amerikan Donald Trump.
Gjatë një ceremonie për 50-vjetorin e “King’s Trust”, Stewart i tha Mbretit:
“Të lumtë për Amerikën. Ishte fantastike, e shkëlqyer… ia tregove vendin atij ‘tipit problematik’.”
Komentet u interpretuan si referencë ndaj Trump, i cili kishte pritur më herët Mbretin Charles gjatë një vizite shtetërore në SHBA.
Sipas raportimeve, Mbreti e mori me sportivitet këtë koment dhe u pa duke buzëqeshur gjatë bisedës, ndërsa momenti u bë viral në rrjetet sociale.
Ngjarja ka shkaktuar reagime të shumta, pasi Stewart njihet për qëndrimet e tij të hapura politike në raste të caktuara, pavarësisht se zakonisht artistët mbajnë një profil më neutral në evente mbretërore.
Lini një Përgjigje