FLASH
Shkruar nga Pamfleti
Këngëtarja me origjinë shqiptare Eleni Foureira arriti të triumfojë në ‘Mad Video Music Awards’ këtë vit, duke fituar tre çmime.
E para ishte çmimi “Artistja më e mirë femër”, e dyta “Video e vitit” dhe e treta “Kënga e Vitit (Viral)” për të njëjtën këngë.
Kur mori çmimin për herë të tretë, këngëtarja iu referua djalit të saj duke thënë se është “më e emocionuar tani që është nënë”, ndërsa ka bërë një zbulim edhe për shtatzëninë e saj.
Ajo tha se zbuloi se ishte shtatzënë dy ditë para se të dilte në skenë në ‘Mad Video Music Awards’ vitin e kaluar për të performuar hitin e saj “El Telephone”.
“Dy ditë para se të këndoja El Telephone për herë të parë këtu, kuptova se jam shtatzënë. Kishte shumë emocione. Ky vit ishte viti më i mirë i jetës sime”, tha ajo dhe falënderoi të pranishmit.
‘Ky çmim do t’i shkojë vogëlushit tim që ishte këtu në barkun tim, vitin e kaluar”, tha ajo e emocionuar.
Lini një Përgjigje