FLASH
Shkruar nga Pamfleti
Dua Lipa dhe i dashuri i saj i ri Romain Gavras u shfaqën së fundmi në tapetin e kuq në Festivalin e 76-të të Filmit në Kanë. Këngëtarja 27-vjeçare me origjinë shqiptare konfirmoi në mars se ishte në lidhje me regjisorin 41-vjeçar Romain Gavras. Çifti deri më tani e ka mbajtur marrëdhënien shumë private.
Këngëtarja e njohur arriti të ishte në qendër të vëmendjes dhe të shkëlqente me paraqitjen e saj me partnerin e ri. Shumë e pëlqyen dhe shumë të tjerë jo, ndër ta edhe ish-partneri i artistes, Anwar Hadid. Ai ka reaguar në rrjetin e tij social Instagram me një foto në InstaStory ku ka shkruar:
‘Po mundohem të mos e gjej atë dhe ta vras’. Megjithatë, fatmirësisht, postimi shoqërohet me simbole që tregojnë fytyrë të qeshur.
Ndjekësit dyshojnë se reagimi Anwar mund të jetë në lidhje me raportin e ri që Dua ka me Romain Gavras. Kujtojmë gjithashtu se Dua dhe Anwar, vëllai i motrave Hadid, patën një lidhje 2-vjeçare dhe ndarja erdhi papritur. Shkak i ndarjes thuhet se u bë distanca mes tyre, pasi këngëtarja prej disa kohësh qëndroi në Londër duke regjistruar albumin e saj të ri ndërsa Anwar në New York. Në atë kohë Dua në një intervistë u shpreh:
Kapitulli i ardhshëm i jetës sime është të jem vetëm sepse kështu jam mirë. Disa njerëz do thonë: “Ua Dua shkoi në darkë e vetme”. Por nuk më intereson, këtë e bëj çdo herë. Mendoj se është gjë e mirë edhe për ju ta bëni. Duhet të jeni të sigurt në veten tuaj. Kjo periudhë ishte e vështirë për mua, isha nervoze, tani jam në fazën që dua të di se si mund të jem unë me veten time. Definitivisht jam rritur.
Lini një Përgjigje