FLASH
Shkruar nga Pamfleti
Përplasja publike mes Elon Musk dhe Donald Trump ka tërhequr vëmendje të madhe në rrjetet sociale, duke nxitur reagime edhe nga persona të lidhur me jetën private të Musk. Ndër to, ka qenë edhe Ashley St. Clair, ish-e dashura e tij dhe nëna e një djali që thuhet se e ka me miliarderin.
St. Clair postoi në platformën X (ish-Twitter) një mesazh ironik drejtuar ish-presidentit amerikan: “Hej @realDonaldTrump, më lajmëro nëse ke nevojë për këshilla për ndarjen”, duke nënkuptuar me sarkazëm përkeqësimin e marrëdhënieve mes Musk dhe Trump.
Konflikti mes tyre është thelluar kohët e fundit, pasi Musk kritikoi publikisht planin buxhetor të propozuar nga Trump, duke pretenduar se pa mbështetjen e tij, republikanët nuk do të kishin fituar zgjedhjet. “Pa mua, Trump do t’i kishte humbur zgjedhjet… një mosmirënjohje e tillë”, kishte shkruar Musk në një postim që më pas u fshi.
Miliarderi shkoi më tej, duke aluduar se emri i Trump ndodhet në dokumente të pazbuluara ende lidhur me Jeffrey Epstein. “Kjo është arsyeja e vërtetë pse nuk janë publikuar,” tha ai, duke nxitur edhe më shumë spekulime.
Ndërkohë, Ashley St. Clair ka qenë vetë në qendër të vëmendjes mediatike pasi në prill deklaroi se kishte refuzuar një ofertë prej 15 milionë dollarësh nga Musk për të mbajtur sekret ekzistencën e djalit të tyre, Romulus St. Clair. Sipas saj, ofertës iu shtua edhe një shumë mujore prej 100,000 dollarësh deri në moshën 21-vjeçare të fëmijës, por ajo nuk e pranoi, me arsyetimin se “nuk donte që djali të ndjehej si një sekret”.
Lini një Përgjigje