FLASH
Shkruar nga Pamfleti
Presidenti i Serbisë, Aleksandar Vuçiç ka pritur sot në një takim kryetaren e Komisionit Evropian, Ursula Von der Leyen.
Në një konferencë për mediat, Von der Leyen ka shpjeguar se çfarë do të thotë njohja “de facto” e Kosovës, të cilën e ka përmendur disa herë në ditët e kaluara si kusht për Serbinë.
“Bëhet fjalë për zbatimin e marrëveshjes së Ohrit. Ajo parasheh disa hapa, si njohja e dokumenteve, institucioneve, dhe nga ana tjetër, shkon me themelimin e Asociacionit të Komunave me shumicë serbe, të cilin Kosova duhet ta zbatojë. Kjo do të hapë rrugën për normalizimin e marrëdhënieve”, citohet të ketë thënë ajo.
Dhe lidhur me raportet me Kosovën, mediat serbe theksojnë se Vuçiç ishte përqendruar në çështjen e Asociacionit të Komunave Serbe në Kosovë.
Sipas tij, “Prishtina për 11 vitet e kaluara kishte vetëm një obligim që ishte themelimi i ASK-së dhe nuk e themeloi atë”.
“Kemi pasur shkresa, katër dokumente që kanë të bëjnë me ASK, asnjëra nuk është zbatuar”, ka shtuar Vuçiç.
Lini një Përgjigje