FLASH
Shkruar nga Pamfleti
Sërish incidente në veri të Kosovës. Policia e Mitrovicës ka njoftuar se sonte në orët e mbrëmjes, një automjet duke mos ndaluar pas sinjalizimit të policisë, ka rrezikuar jetën e disa efektivëve në një pikë kontrolli në veri të vendit.
Për pasojë një polic ka shtënë me armë zjarri në drejtim të automjetit që ka ikur nga vendi i ngjarjes përmes rrugëve ilegale.
“Më datë 9 mars 2023, rreth orës 19:20, përderisa njësia policore e Policisë së Kosovës ndodhej në pikë kontrolli në fshatin Banje në një rrugë ilegale, duke realizuar detyrat dhe autorizimet e saj ligjore në garantimin e sigurisë, aty ka ardhur/qarkulluar një automjet xhip i tipit Audi. Zyrtarët policorë në pikë kontrolli sipas procedurave kanë sinjalizuar automjetin me bateri që të ndalojë për kontroll rutinor, por personi i dyshuar (drejtuesi i automjetit) posa ka vërejtur zyrtarët policor të cilët e kanë sinjalizuar për ndalim, ka rritur shpejtësinë për të ikur nga ndalimi duke rrezikuar drejtpërdrejt jetën e zyrtarëve policor, përderisa njëri nga zyrtarët policor me qëllim të shmangies së rrezikut të drejtpërdrejt për jetën e tij dhe zyrtarëve tjerë policor është detyruar që të përdor armën e zjarrit”, thuhet në njoftimin e policisë.
Lini një Përgjigje