FLASH
Shkruar nga Pamfleti
Publikohen pamjet e dhunës ndaj gazetarit në Kosovë, Valon Syla
Në një video që ka siguruar Express, shihen disa persona teksa dalin jashtë, dhe po ashtu Valon Syla, teksa futet i gjakosur brenda restorantit.
Ndërkaq, Syla ka treguar si ndodhi sulmi ndaj tij, gjatë ditës së martë.
“Unë kam qenë me Ilirin. E shihte në pasqyrë që dikush nga afër po mundohej të afrohej. Menduam se ishte Leo. Kur u afrova tek shkallët mu afrua një person, që mund ta identifikoj tani, por nuk e njoh. Ilir ishte duke parkuar kerrin. Aty brenda kanë qenë edhe disa gazetarë tjerë”, tregon ai.
“Ishte një djalë i ri rreth të 30-ave. Më tha ‘a po vjen dej qetu’. Si ja pashë mjekrrën e dita që është fetar. Kishte mjekër dhe trenerka kështu dukej si shoumen. Edhe i dhunshëm. U mundova të vrapoj që të hapi derën dhe pastaj ata do largoheshin pari që mund të shihnin njerëz brenda dhe do frikësosheshin. Nuk u hap dera menjëherë. Pastaj më grushtuan. Edhe me pjesë metalike të orës. U mundova ta ruaj fytyrën. Ilir Mirena u ngut dhe largoi njërin, pastaj edhe tjerët dolën nga brenda. Ata ikën. Por mjaftoi që të më shkaktonin lëndime”, shtoi Syla.
Lini një Përgjigje